رياضة
أعرب إسلام جمال، لاعب الزمالك، عن حزنه الشديد بسبب الصورة السيئة التي رسمتها جماهير الزمالك للاعبين، بعد أحداث مجزرة
أعرب إسلام جمال، لاعب الزمالك، عن حزنه الشديد بسبب الصورة السيئة التي رسمتها جماهير الزمالك للاعبين، بعد أحداث مجزرة استاد الدفاع الجوي، مشددا على أنهم لم يعلموا بسقوط ضحايا.
وقال جمال في تصريحات لقناة «دريم»، مساء الإثنين: «فوجئنا عند اقترابنا من الاستاد بالجماهير توقف الحافلة ويصرخون ويقولون لنا (ما تلعبوش ما تلعبوش الداخلية بيضربوا فينا ومش عايزين يدخلونا عشان مفيش تذاكر).. وأقسم بالله مفيش حد فينا يعرف إن هناك من مات».
وأضاف: «الأمن لما ضرب غاز وصل للأتوبيس وبعض اللاعبين أغمى عليهم.. وفوجئنا بعد المباراة بالأحداث وسقوط قتلى، والجماهير تسبنا بأقظع الشتائم، الناس بتيجي تحت بيتي تشتمني».
وتابع: «أنا كرهت الكرة وعن نفسي هبطل ألعب تاني.. معملناش حاجة والناس بتشتمنا.. وعمر جابر لم يعلم أن هناك ناس ماتت وكان بيترعش ومش قادر يقوم يسخن بسبب الغاز».
وأتم: «قبل نهاية المباراة سمعنا ناس بتقول انسحبوا.. وناس بتقول العبوا.. هنعمل إيه طيب.. فيه حاجة غلط.. والتنظيم كان سيئًا جدا وهو ما تسبب في سقوط ضحايا».
