الرأي
::: انا ف العريش … ظابط ف جيش حالف ماجيش … غير بانتصار و جنودي زي اسود … تعيش جاهزين
:::
انا ف العريش … ظابط ف جيش
حالف ماجيش … غير بانتصار
و جنودي زي اسود … تعيش
جاهزين يردوا الأعتبار
حالفين يا مصر و ماتخافيش
حياخدو ليكي بالف تار
:::
اخواتنا ضحوا بروح و دم
و فارقو للجنة بسلام
و كل واحد فينا لم
شهادة ممزوجة ابتسام
و لا تشليش يا مصر هم
و لا تسكنك ابدا آلام
:::
الله معانا أكيد بلادي
يكفيكي من شر الأعادي
لو مت … يفضلك ولادي
يحموكي من شر اللئام
و لا تشليش يا مصر هم
و لا تسكنك ابدا آلام
:::
انتي الامل يامصر جد
و انتي الربيع شجر و ورد
يا نيل بيسقي و خلفه سد
يا برج مسكون بالحمام
و لا تشليش يا مصر هم
و لا تسكنك ابدا آلام
:::
