بدا العد التنازلى لانتخابات رئاسة الجمهورية .. وفى الواقع وجدت نفسى حائرة بين برامج المرشحين .. فقررت بصراحة ترك
بدا العد التنازلى لانتخابات رئاسة الجمهورية .. وفى الواقع وجدت نفسى حائرة بين برامج المرشحين .. فقررت بصراحة ترك كل البرامج والبحث فى "رموز المرشحين ".. يمكن اختار بناءا عليها الرئيس المستقبل
فوجدت السلم "احمد شفيق ".. قلت ااه ..احنا محتاجين سلم المجد يرفعنا الى الامام بعد حالة التدهور الشديد التى انتابت غالبية القطاعات وينتشلنا من تحت لفوق
ونظرت الى الحصان "دكتور عبد المنعم ابو الفتوح ".. بصراحة قلت طبعا احنا محتاجين القوة والسرعة حتى نحاول ان نلحق بركاب التقدم سواء المحلى او الخارجى
وتوجهت الى رمز الشمس" عمرو موسى " وقلت نعم فنحن فى امس الحاجة لانارة نهارنا قبل ليلنا لوضع ايدينا على الطريق السليم وعودة للبناء والتعمير
ونظرت الى الميزان " محمد مرسى " بجد قلت .. لأ .. نحن امس الحاجة الى نسيان الظلم والتفرقة وعدم المساواة ومحتاجين العدل فى كل تعاملاتنا
ولقيت رمز النسر " حمدين صباحى " سرحت وشردت بعيدا ورجعت لايام الرئيس الراحل جمال عبد الناصر رحمه الله وقلت محتاجين الطائر الهمام الذى يحملنا على الاعناق ويبعدنا عن "قرف " الارض وسنينها ويجول بينا فى عنان السماء
وفى الاخر بصيت على رمز المظلة "دكتورمحمد سليم العوا" وقلت كفاية كدة احنا محتاجين ربنا يغفر لنا ويظلنا برحمته !!!