بين حياة نضال أو إنتحارك بين إحتمال هزيمتك و تغيير عزيمتك أو تعيش تحيى إنتصارك

بين حياة نضال أو إنتحارك
بين إحتمال هزيمتك
و تغيير عزيمتك
أو تعيش تحيى إنتصارك

أختار إختيارك
تعيش ثابت
لا ريح تجيبك
ولا وقت يصيبك
بمرض بؤس يعاند
قلب صامد

أختار إختيارك
حق أهلك اللى ضاع
أمل فى سنين الضياع
و الأسامى و الأمانى
و كل مِلك فى مُلك فانى
أو تعيش فى ضى النهار
على مسافة إنهيار
ماسك فى كلام
و شادد فى أوهام
و إنت فاكره إستقرار

إختار إختيارك
بين عسكر حراميها
أو أهل تاجها اللى حاميها
بين كذب كاذب للحقيقة
ولا حقك فى الإختيار

andrew_samir@live.com