حاله ترقب هو شعور مسيطر الان علي معظم اهل مصر…كله خايف من بكره او علي الاقل يشعر بحاله قلق هل

حاله ترقب هو شعور مسيطر الان علي معظم اهل مصر…كله خايف من بكره او علي الاقل يشعر بحاله قلق هل القادم يحمل خير ام شر هل يوجد امل ام التشاؤم هو المسيطرعلي اغلب اوقاتنا بس المشكله الحقيقيه هي تكمن في انفسنا يعني الخوف من تصرفات ناس عايشه معانا و ناس في مواقع مسئوله و ناس في جهات سياديه و اعلاميه ذات تاثير علي اغلبيه اهل البلد وناس بيدعوا الوطنيه ولا يقدموا حلول ولا افكار فقط بيتسببوا في توتر عام و ارتباك للمواطن و احنا بقينا بنخاف من بعض اكتر من خوفنا من اعداء الوطن بنخاف من كل الاشخاص التي فقدت ضميرها من يخرب بايده و يحرق بايده و يقتل بايده من يخالفه الراي و معظم الناس فقدت مصدقيتها فلا تأمن الا اقل القليل من الناس الي حواليك والغالبيه تحذرهم….مشكلتنا انفسنا في ناس كتير ليها حق بس مفيش طريق عادل يمشوا فيه لياخذوا حقوقهم و بيتجهوا لاخذه بايديهم لان شعور الظلم لم يعد هناك صبر عليه في ظل عدم تفعيل القانون احيانا او عدم شدته احيانا اخري او الظلم المقصود …وفيه ناس بتستغل البلد اسؤ استغلال و بتعتبرها مصدر للهبش والنهب و استغلال عدم استقرار الاوضاع و تشعل فتنه هنا او هناك بلا ضمير والهدف مصلحتها ولو كان حتي عن طريق غير شرعي او انساني …فعلا مشكلتنا انفسنا بس مش كل انفسنا انفسنا الضعيفه الي بتفضل الهدم بدل ما تعمر و تشتم بدل ما تقدم حلول علي ارض الواقع و يلتف حولها كل شريف عايز خير…حاله احباط مسيطره علي معظم الي بيحب بلده علشان عايزها افضل و عايزها تفوق من دوامه طالت ولا اقصد اخر سنتين بل اقصد سنين الجمهوريه التي ظلمت فيها البلد و تم استغلالها لامور كثيره كانت في غنا عنها و ايضا فساد العقول و القلوب في من كان له منصب سياسي او اقتصادي وللاسف ديني ….احنا بنخاف دلوقت بصراحه من بعض لفقدان العداله الحقيقيه التي تضمن لكل واحد بان حقه سياخده بقانون وليس بيده و لا بدعوه علي الظالم لازم نبدء من الصفر….وياريت نبدء