الأخيرة
عبد المسيح : عملت فى الفرن واخذت 5 ارغفة والمستانف تلغى حكم ايداعه المؤسسة العقابية
بنى سويف مصطفى عرفه
انا اخذت 5 ارغفة من الفرن اللى كنت بشتغل فيه زى أى حد من عمال الفرن بياخدا عيش ولقيتهم حطوا طاولة الخبز كلها على تروسيكل المخبز وحطونى معاها وخدونى على المركز وقالوا لى هتدخل الاصلاحية : كانت هذه كلمات الطفل عبد المسيح عزت صاحب السنوات العشر الذى تم اتهامة بسرقة 5ارغفة وحكم علية غيابيا بدخول المؤسسة العقابية ثم قررت محكمة جنح مستانف احداث بنى سويف برائته بعد تنازل صاحب الفرن عن اتهامه
قالت والدته مريم فوزى ابنى أخد خمسة أرغفة فعلاً بس مسرقش وهيسرقهم إزاى وابنى بيشتغل عندهم فى المخبز كل عمال الفرن بياخدوا العيش اللى عايزينه واستطردت من حوالى سنة ونصف لقينا مركز الشرطة باعتلنا توجهنا له أول ما دخلت لقيت ابنى واقف على جنب واستفسرت عن سبب حضوره أبلغونى إن صاحب المخبز اللى شغال فيه ابنى عامل محضر واتهمه فيه بسرقة 171رغيفا بما يعادل 8 جنيهات وقولناله أكيد أنت غلطان وقصدك على حد تانى، لكن صاحب المخبز المعلم عيد أصر على أقواله وبعدها رحنا للنيابة وكيل النيابة سمع لأقوال ابنى وقال له روح بيتك و قلونا إن المحضر هيتحفظ
وتستكمل شقيقته مارينا 19 سنه :من أسبوعين فوجئنا بإنذار جاى على منزلنا ولما سألنا اكتشفنا إن قضية فادى ( اسم الشهرة ) لعبد المسيح لسه شغالة واتحكم عليه فيها بالإيداع فى مؤسسة رعاية الأحداث لصغر سنه لمدة عام ورحنا للنيابة والمحامى عمل الاستئناف واتحدد لها جلسة وتدخل ولاد الحلال فى الموضوع اعضاء مجلس شعب سابقين ورجال دين اسلامى ومسيحى راحوا لصاحب المخبز واقنعوه بعمل محضر تصالح والتنازل عن القضية وحكم القاضى بالبراءة
.jpg)
عزت والد الطفل يمتلك عربة حنطور يصرف بها على إخوته ووالدته لديه ثلاثة أشقاء الأكبر مينا 20 سنة ومارينا 19 سنة وماريا 4 سنوات تحدث قائلا: أشكر الرب على براءة ابنى وأخدته معايا للبيت وخلاص مش هسيبه يشتغل عند حد تانى معبرا عن سعادته ببراءة نجله من تهمة لم يرتكبها ولو فعلها فهو طفل ماذا يعلم فى حياته أو دنيته عن السرقة عشان نتهمة بالاتهام ده
وكانت محكمة جنح الطفل (مستأنف الأحداث) برئاسة المستشار فوميل لبيب وأمانة سر عبد العاطى عبد المجيد تحت رقم 58 لسنة 2012 الغت حكم محكمة اول درجة غيابيا بإيداعه دور الرعاية الاجتماعية وقررت تسليم الطفل عبد المسيح عزت عزيز إلى ذويه لتسدل الستار على قضية اثارات جدلا كبيرا خلال الايام الماضية
