::: كام قرد شابك ف الغسيل عمال بيرقص ع الحبال سكران من الليل العليل ماهو جاتله حالة م الانفعال :::

:::
كام قرد شابك ف الغسيل
عمال بيرقص ع الحبال
سكران من الليل العليل
ماهو جاتله حالة م الانفعال
:::
ابصرش واخد دكتوراه
مدمن ظهور ف التلفزة
و التاني متبرجل وراه
لب و سوداني و قزقزة
:::
اما المحاور و المذيع
جدا فظيع … ف كل شيء
الواد يا خويا ساعات مطيع
و ساعات يولعها بحريق
:::
الهباشين و النتاشين
و المأجورين كترو قوي
و الصادقين المخلصين
الصامدين نادو القوي
:::
و الشعب مظلوم بالقوي
و الصعب كان صعبو قوي
كل الهموم على الهدوم
و اليأس دايما مستوي
:::
عايزين أمل زائد عمر
عايزين حياة لاجل البشر
الشمس و وراها القمر
مش ردح و شتيمة و بقر
:::
( عماد زيور )