لم اتردد لحظة فى كتابة مقالى بهذا العنوان لانى حقا لم اتمالك نفسى عندما اخبرنى احد رجال الاعمال ان غالبية اهل البيزنس رفضوا الدعوة التى وجهها لهم محمد فريد خميس بزيادة الضريبة على الدخل الى 30%كجزء من مسئولية راس المال تجاة الدولة فى وقت تحتاج فية مصرالى مجهود كل ابناءها وخاصة جهود هذة الفئة اللى لحم كتافها من خيرالبلد.. على المستوى الشخصى اعتبرت دعوة
( خميس) فرصة لتبييض وجوة رجال اعمال اسودت وجوههم من فرط المكاسب الحرام التى جنوها من نظام اقتصادى طفيلى قائم على الرشوة والعمولة والمحسوبية والسمسرة ورحت احلم بمليارات ايام الرخاء تغدق على خزانة الدولة لتقليل عجز الموازنة ولم يخيل لى لحظة ان اى رجل اعمال عندة شوية دم سيرفض هذة الدعوة لان المبادرة ببساطة سيلتزم بها من تزيد ارباحهم عن 10 ملايين جنية سنويا يعنى الغلابة اللى ارباحهم اقل من هذا الرقم مش هيدفعوا حاجة! كما ان ال30%ليست بالنسبة الكبيرة لان حجم الزيادة الفعلية فى الضريبة مجرد 5%فقط لكنهم للاسف ضيعوا الفرصة من ايدهم حتى يلعنهم التاريخ فلم نسمع عن واحد منهم تبنى مبادرة او مشروع حقيقى لدعم الاقتصاد وكل باشا منهم يطلع يصدعنا فى الفضائيات عن الخسائروالتأثير السلبى للثورة على الاقتصاد كأن معظمهم من الفلول واحنا اسفين يا ريس حتى الفالح بتاعهم ساويرس اللى كون امبراطورية من خير البلد رايح يخرف فى فضائيات اوربا ولبنان ويقول انا مراتى بتحب تلبس قصير والمصرى لياقة قميصة وسخة بالذمة دة كلام يقولة رجل اعمال ولا حتى نص راجل من اى نوع الغريب ان الملياردير عامل حزب اسمة المصريين الاحرار ياعم خليك انت فى الاحرار وبلاش حتة المصريين عشان انت بتقرف منهم ! وبعدين المصريين هيلاقوها منك ولا من المجلس العسكرى اللى بيقول البرلمان لا يمثل الاغلبية ! ولامن الاخوان اللى بيقولوا انهم ملهمش دعوة بالخمور والمايوهات والحجاب وكل واحد حر! ولا من الليبراليين اللى بناتهم بدافع عن مبادئها باجسادها العرايا على الفيس بوك وشبابهم ابوشعر واحيانا بقرعة وغالبا بسلسلة وحظاظة ..يا جماعة احنا من الاخر 80 مليون سلفى واخوانى وليبرالى وشيوعى وعسكرى وفلول كمان