اخبار-وتقارير
نفى المكتب الإعلامي لمؤسس التيار الشعبي، حمدين صباحي، ما تم نشره حول دعوته للمواطنين لـ”تحمل انقطاع الكهرباء
نفى المكتب الإعلامي لمؤسس التيار الشعبي، حمدين صباحي، ما تم نشره حول دعوته للمواطنين لـ"تحمل انقطاع الكهرباء".
وقال في بيان له، إن "صباحي طالب الحكومة والمؤسسات المسؤولة بسرعة العمل على حل أزمة انقطاع الكهرباء، والاعتماد على مصادر الطاقة المتجددة وفي مقدمتها الطاقة الشمسية لتعويض العجز الناجم عن محدودية الوقود اللازم لتوليد الكهرباء".
وأشار إلى أن "برنامج صباحي الرئاسي يتضمن خطة متكاملة للاعتماد على الطاقة الشمسية خلال 6 أشهر".
ونشر المكتب الإعلامي تفريغًا للفيديو الذي تم فيه تحريف تصريحات "صباحي"، وجاء كالتالي: "س: عملية انقطاع التيار الكهربي؟.. حمدين: أنا أولا مش راضي عن إننا نقعد في الضلمة ولا عن انقطاع التيار الكهربي.. س:وبعدين يعني انت دلوقتي شايف حل عملية انقطاع التيار دي ايه؟ (وعندما بدأ حمدين بالرد على السؤال قال السائل: لو انت ريس).. حمدين: احنا بس عايزين المسؤولين في الحكومة يفتحوا باب الحوار مع أصحاب الرأي في مصر، لأن أكتر خبراءنا عندهم حلول وبدائل لكل مشكلة في مصر.. يعني مصر أكبر من أن تقتصر الحكومة على سياساتها وطريقتها وبدائلها.. خليهم يسمعوا الناس جايز يلاقوا حلول لحل مشكلة الكهرباء والمرور وأكل العيش أحسن من اللي هما بيعملوه".
وأضاف البيان: "حمدين: فيه حلول كتير جدا للتنمية في البلد دي.. الخبراء وأصحاب الرأي ثروة هائلة جدا.. س: (مقاطعا حمدين) الكهرباء بتتقطع عند حضرتك؟.. حمدين: (متابعا كلامه السابق للسؤال) الذي يفيد مصر الآن في الفترة دي إنها تعمل مؤتمر اقتصادي اجتماعي يحاول يقدم حلول وطنية تتشارك فيها كل الآراء عشان يقدموا كل الحلول اللي تخلي الإنسان المصري يعيش في أحسن حياة ممكنة.. أعتقد مصر محتاجة كده".
وأضاف البيان: "س: (مكررًا السؤال) الكهرباء بتقطع عندك؟.. حمدين ضاحكا: الكهرباء ههههههه ما أنا عايش في مصر.. لازم تقطع عندي طبعًا..
س: وبتتغلب على كده إزاي طيب؟.. حمدين: ههههههه أنا متربي على لمبة الجاز وبحب الشمع.. أنا بأقدر ألاقي حلول يعني".
