وجهت الناشطه السياسيه نوارة نجم عدة رسائل الى مرشح جماعه الاخوان المسلمين محمد مرسى مطالبة اياه بالموافقه على شروط ميدان

وجهت الناشطه السياسيه نوارة نجم عدة رسائل الى مرشح جماعه الاخوان المسلمين محمد مرسى مطالبة اياه بالموافقه على شروط ميدان التحرير حفاظا على الثورة ومنعا لعودة النظام السابق ..وجاءت رسائل نجم عبر حسابها الشخصى كما يلى :
#وافق_يامرسي المجلس الرئاسي بيك او من غيرك حيتعمل وماحدش موافق يحمي المجلس العسكري دلوقت غيركوا.. مش حينفعكوا احنا اللي حننفعكوا

#وافق_يامرسي بدل ما تخش الاعادة مع شفيق وتتهزأ ويطلعوك واخد 500 صوت قصاد ميت مليار صوت لصالح شفيق وان كان عاجبك

#وافق_يامرسي لو الانتخابات اتزورت وانت سقطت ورجعت تقول لنا خدوني معاكوا حناخدك ورا مصنع الكراسي يا مرسي

#وافق_يامرسي وادرك اللحظة الفارقة يا مرسي عشان وفاء والقمامة واخواتك المسيحيين يصدقوك ويثقوا فيك

#وافق_يامرسي ده انتوا صوت لكوا في البرلمان 15 مليون وفي تلات شهور خسرتوا 10 مليون منهم كلها اسبوع ومراتك تطلب الطلاق

#وافق_يامرسي ده الناس عاصرين عليكوا شوال لمون وانا اللي عمالة اطيب لكوا واقول معلش استحملوهم.. حنعمل ايه؟ حنسربهم يعني؟

#وافق_يامرسي .. وكتاب الله المجيد.. شوف وكتاب الله المجيد، لو اديت شرعية لشفيق وكسب ودبح الاخوان في الشوارع كده دبح والله العظيم ما حنتحرك

#وافق_يامرسي ده انا الوحيدة اللي باكلمك بالراحة الناس في الميدان قاعدة تقول بركة يا جامع، الحمد لله اللي خلصنا منهم من غير ما نشيل ذنبهم

#وافق_يامرسي لو دخلت الاعادة مع شفيق وجيت تطعن بالتزوير الناس اللي في الشوارع دي كلها حتاخد الموس وتطاهر كل اعضاء الجماعة واحد واحد

#وافق_يامرسي ولو مش موافق ممكن الشاطر يوافق

#وافق_يامرسي علشان دي اخر فرصة تثبتوا فيها ان مصلحة مصر فوق مصلحة الاخوان