أكد السيناريست والمخرج محمد دياب على صفحته الرسمية على موقع الفيس بوك، أنه صوت ضد أحمد شفيق فى انتخابات الإعادة

أكد السيناريست والمخرج محمد دياب على صفحته الرسمية على موقع الفيس بوك، أنه صوت ضد أحمد شفيق فى انتخابات الإعادة رغم أنه ضد الإسلام السياسى، لأن أخطاءهم تشوه الإسلام، حيث كتب "لماذا صوتت ضد شفيق؟" مبدئياً صدق أو لا تصدق أنا شخص ضد الإسلام السياسى، ضده عشان أسباب دينيه قبل ما تكون ثورية، لأن شئنا أم أبينا أخطاء تيار الإسلام السياسى بتشوه الإسلام نفسه واللى شفناه فى سنة ونص منهم بيدل أنهم لا مستعدين فكرياً ولا أخلاقياً ولا دينياً إنهم يبقوا واجهه الدين.

أنا صوتت ضد شفيق ومحبش حد يقول إنى صوتت لمرسى لأنه غير مؤهل لحكم قرية من وجهة نظرى.. أمال صوتت ضد شفيق ليه؟، بمنتهى البرجماتية (التفكير فى المصلحة)، -مش من مصلحة التيار الثورى نهائياً إن سواء (المجلس العسكرى أو الإخوان) حد فيهم يهيمن على كل حاجة أو يخلص منهم على التانى، لأن ساعتها هيبقى الدور على الثوار، الكلام الوجيه عن تكويش الإخوان على السلطات انتهى بحل البرلمان، ومستحيل البرلمان اللى جاى ياخد فيه التيار الإسلامى حتى نص المقاعد اللى خدوها! المشكلة إن الآية دلوقتى اتقلبت وبقت إن لو شفيق كسب هيبقى المجلس العسكرى هو اللى هيكوش على كل حاجة.