الرأي
خالد عبد الرحمن .. مجند من سوهاج سأل احد الواقفين بجواره في المستشفي : ” هو انا يا بيه هياخدوني
خالد عبد الرحمن .. مجند من سوهاج سأل احد الواقفين بجواره في المستشفي : " هو انا يا بيه هياخدوني غياب في الجيش النهاردة ؟!
:::
متخفشي من الغياب
يا جندي و لا تهاب
و انده كل الصحاب
و امسح حبه تراب
و الدم اللي ف قميصك
و المزع اللي ف ضلوعك
الغايب كان رئيسك
و الحاضر خوف رجوعك
تسمع صوت الغراب
تعرف تاني العذاب
و الدم الغالي ينزف
يا خالد ع التراب
متخفشي يا جندي لازم
تعرف انك ملازم
الفرشة على السرير
و الصدق اللي ف ضمير
وياك يا شب شايب
قبل اوانه ب كتير
القطر المتهم
و السائق متهم
و ابوك المتهم
انه جابك فقير
متخفشي من الغياب
و امسح كل التراب
و الدم اللي ف قميصك
:::
