دشن نشطاء سياسيون على صفحات المواقع الاجتماعيه فيس بوك وتويتر حمله لمواجهة الفريق احمد شفيق ولكن بشرط محاسبة الاخوان على

 دشن نشطاء سياسيون على صفحات المواقع الاجتماعيه فيس بوك وتويتر حمله لمواجهة الفريق احمد شفيق ولكن بشرط محاسبة الاخوان على الاخطاء التى ارتكبوها فى حق الثورة وقالوا اذا كنا نريد محاسبه شفيق على موقعة الجمل لانه كان رئيس الوزراء حينها فلابد ايضا ان نحاسب الاخوان على شهداء مجلس الوزراء  لانهم كانوا يحكمون مصر من خلال الاغلبيه البرلمانيه بل انهم اتهموا الشهداء حينها فى قلب البرلمان بانهم بلطجيه وشرعوا قانون لمنع التظاهر ..من بين تلك الصفحات ما كتبه النشطاء نصا كما يلى   

 _ لا يمكن انتخب شفيق لكن مش حنسى لما الاخوان صقفوا لبكري و هو بيشتم في الثوار و البرادعي

_ مش ممكن انتخب شفيق بس مش حنسى لما هتفوا للمشير في جمعة الشريعة

_ مش ممكن انتخب شفيق بس مش حنسى صفوت و شقة العجوزة و زحف العمائم و انتخاب مرسي جهاد،ومنال ابو الحسن بتقول عليه مدعوم من الله

_ مش ممكن انتخب شفيق بس مش حنسى مسمى جمعة القطيعة و بانديتا و لما باعوا الالتراس بعد بورسعيد و ميليشياتهم اللي وقفت قدام مجلس الشعب

_ مش ممكن انتخب شفيق بس مش حنسى النائب اللي عيط على ابنه و طلع مع يسري يكرر نفس نظريات المؤامرة بتاعة عكاشة

_ مش ممكن انتخب شفيق بس مش حنسى لما استعملوا الدين لشيطنة اي حد وقف ضدهم وسكتوا كل اللي اتكلم ضد الجيش و الداخلية في البرلمان

_ مش ممكن انتخب شفيق بس مش حنسى لما سابوا الناس تموت في محمد محمود عشان يجروا على الانتخابات

_ مش ممكن حنتخب شفيق بس مش حنسى تعاليهم و غرورهم و استحواذهم على التآسيسية و احتياجهم للقلة المنحلة اللي زيينا لما يتزنقوا بس

_ كام مرة نقول نوصل لبر الامان و بعدين نتحاسب و برضة بيببعونا قبل ما نوصل. مافيش غير رهن مقر المقطم و يمضوا على قايمة العفش