اخبار-وتقارير
عفريت العلبة متخبي ف علبة من بعد الجوعة حصلت له الشبعة ::: من تحت لتحت و مِتداري و بياكل سُحت
عفريت العلبة
متخبي ف علبة
من بعد الجوعة
حصلت له الشبعة
:::
من تحت لتحت
و مِتداري
و بياكل سُحت
و أراري
كده زي الشحط
:::
متأجر
و لا متنكر
مش فارقة معانا
متأخر
و لا متكدر
عمره ما ينسانا
:::
الكونت دي مونت
واخد نفسه
من قاع القاع
شارب بلمونت
قطع نفسه
سببله صداع
:::
كومبارس و لكن مُتَكلِم
مضروب بالبوكس و يتألم
واخد شلوت و طلع يجري
على غرزة و عامل لي معلم
:::
أطول من شجر الواد يحي
أجبن من الفار و عنيه صاحية
شنباته تقول شمشون جبار
لكنه ضعيف من كذا ناحية
:::
عفريت العلبة بيتأجر
بميتين اتنين
و مقاولته كانت محسوبة
كده للساعتين
و ان طلبوه يبات أو يتلاسن
او يضرب خرطوش
أو يمسك سيف
يدوه صك
( مضروب مش حقاني )
ع الجنة يروح
بطلوع الروح
:::
