ما تسكنيش خوفك ::: أنا اللي روحي هنا متعلقة بروحك و من عيوني المطر يسقي شجر دوحك ::: يا بلدي

و من عيوني المطر
يسقي شجر دوحك
:::
يا بلدي يا حنينة
وغامرني معروفك
لا تبقي يوم هينة
ولا تسكنيش خوفك
:::
أنا ليكي أبن و خي
وشمس تهدي بضي
ياعمري نيلك حي
يامصر بيشوفك
جوايا نور طيفك
فما تسكنيش خوفك
:::
أنا اللي ف الجامع
وأنا اللي جوه الدير
ولا عمري حتصارع
ده أنا بعشقك بضمير
جوايا نور طيفك
فما تسكنيش خوفك
:::
أنا اللي بحميكي
وعليكي و الله بغير
راضي ف أراضيكي
يا سلسبيل الخير
جوايا نور طيفك
فما تسكنيش خوفك
:::
أنا خدت أصعب درس
وعرفت أعدائك
عشقك يامصر الحرز
دايب ف أعتابك
سيعاني بظروفك
فما تسكنيش خوفك
:::