الرأي
::: يا رئيس و منتخب نظرة ع اللي انتخب بينك و بين ضميرك قول اسباب الغضب ::: فينك يا رئيس
:::
يا رئيس و منتخب
نظرة ع اللي انتخب
بينك و بين ضميرك
قول اسباب الغضب
:::
فينك يا رئيس و غايب
ماطلعتش ليه تقول
تتعامل ف النوايب
و مصايب دول و دول
:::
ما تهل علينا خمسة
او حتى تلات دقايق
هدي الناس اللي حاسة
بالحال سايب ف سايب
:::
ما تحل المشكلة
مش ده من ضمن واجبك
و اطلع على الملا
حسسنا انا احنا اهلك
:::
العند المشكلة
و الصمت ده مش سليم
ف الواقع مهزلة
وصراط مش مستقيم
:::
