ارسل متعثرو ابنى بيتك شكوى الى الجريدة قالوا فيها انهم يتعرضون للظلم وسردوا قصتهم عندما ذهبوا الى وزارة الاسكان قالوا

ارسل متعثرو ابنى بيتك شكوى الى الجريدة قالوا فيها انهم يتعرضون للظلم وسردوا قصتهم عندما ذهبوا الى وزارة الاسكان قالوا فيها
ذهبنا نحن المتعثرين فى ابنى بيتك الى وزارة الاسكان
وقابلنا  وكيل وزارة الإسكان بعد ان تعذر مقابلة الوزير
!!!!!..للمطالبه بمد فترة البناء لابنى بيتك 3 شهور اخرى بسبب الظروف الاقتصاديه و الماليه بعد الثوره
  
وكان وكيل وزارة الإسكان واضحا تماما
بأنه ليس هناك ضابط او رابط للأمور فى الوقت الحالى
ولم ولن يكون هناك اى ضمان لمواعيد تسليم مرافق او فرص للمتعثرين فى البناء لعدم سحب الارض
ومافيش حد ممكن يكون ليه كلام فى مشروع إبنى بيتك غير الوزير
 
والشكاوى التقليدية هاتحفظ بعد ما تعرض عليه شخصيا (وكيل الوزارة)   ومش هاتروح  للوزير الراجل قال فيه  مليون شكوى
مافيش غير إنكم تقابلوا الوزير
  وكان كلامه واضح جدا على الرغم إنه كان على المتغطى
قال عشان تقابلوا الوزير
ويتحرك  سيادته لازم تكونوا عدد كبير
وتعملوا وقفة إحتجاجية
 هوه ده املكم الوحيد فى حلول
والمشكلة دلوقتى إن الجنزورى مش عاوز وقفات إحتجاجية تعطل مسيرة العمل
ويقول العميد يسرى عبد الله فى رسالتة بوصفه واحدا من المستفيدين
قابلنا بالمنطقه السادسه فى ابنى بيتك 6 اكتوبر مهندس / جمال كمال المدير التنفيذى لشركة ايجيكو المسئوله عن تنفيذ المرافق بالمنطقه السادسه وتحدثت معه عن وضع المنطقة اللى لايسر عدو ولاحبيب وعن الجدول الجدول الزمنى الذى الزموا به انفسهم فى الاجتماع مع المهندس امين نائب رئيس الهيئه
فاقسم المهندس جمال كمال بأن التقصير ليس من عندهم والتقصير من شركة كهرباء جنوب القاهره لتوزيع الكهرباء التى لم تنهى و تسلم اى قطاع فى المنطقة  السادسه حتى الان
والسؤال الان لشركة الكهرباء لماذا لم يتم تسليم اى منطقة او قطاع للجهاز حتى تقوم ايجيكو بدورها بالانتهاء من اعمال المياه والصرف؟
سؤال يحتاج اجابة شافية من مسئولى الكهربا اذا كانت هناك اجابات اصلا!!!
وليحذر الجميع من غضب 42 الف مستفيد لان صبرنا بدأ ينفد
ورصيدهم لدينا يكاد يصل للصفر

 
 وجرى لقاء بين  ممثلى شباب ابنى بيتك مع المهندس/ امين عبد المنعم نائب رئيس هيئة المجتمعات العمرانيه الجديده
و الشركات المنفذه لمرافق ابنى بيتك
و تم استعراض موقف ابنى بيتك مع الشركات المنفذه و خصوصا مع مهندسى شركة الكهرباء و هى ام المشاكل فى ابنى بيتك
على سبيل المثال : تم عمل مواعيد من شركة الكهرباء للانتهاء من الكهرباء بمنطقه 1  و منها قطاع ج يخلص بعد اسبوع كهرباء ليتم بعدها العمل بالفيرما
و قطاع ينتهى العمل به يوم 22 ديسمبر الحالى
قطاع يتم الانتهاء من كهربته يوم 25 ديسمبر ليتم العمل تباعا بالفيرما و الطرق من قبل شركة مختار ابراهيم
فى منطقه 2  قطاع ب انتهى فرد كابلات الكهرباء فى القطاع بالكامل و فى قطاع ج تم تقطيع و سرقة اطراف 500 كابل
مما يستلزم عمل لجان للحصر ثم تقرير لمجلس اداره شركة جنوب القاهره لتوزيع الكهرباء ثم اعتماد لاصلاحها
و منطقه 4 تنتهى الكهرباء بها 25 ديسمبر الحالى
 و المنطقه السادسه : الحى الثانى و الثالث خلص شبكة الكابلات
الحى الرابع و الخامس خلص حفر فقط
و توقف العمل الان لنفاذ المخزون بمخازن شركة الكهرباء و بيتعمل مناقصه لشراء كابلات من السويدى و سيتم الشراء و التوريد بعد اسبوعين
و ان المشكله ماديه و تم حلها باعتماد شيك ب 60 مليون لشركة الكهرباء
و سيتم صرف دفعات اخرى طبقا لتقدم العمل
و قال مسئول شركة جنوب القاهره لتوزيع الكهرباء :هكثف وجودى بالموقع بس الجهاز يسرع فى استلام و حصر ما تم انجازه
و قال ايضا :  ان اى مستفيد يسكن الان فى ابنى بيتك مستعدين لعمل حلول عاجله و توصيل كهرباء له و عداد فى اقرب وقت
 و قال المهندس امين عبد الله نائب رئيس هيئة المجتمعات العمرانيه للشركات العامله فى ابنى بيتك: انا مستعد اقعد معاكم يوميا لغاية العشا لكى يخلص المشروع
و بعد اللقاء علمنا ان وزير الاسكان هيروح الهيئه ليناقش مرافق مشروع ابنى بيتك بمشاكله و مواعيده المتأخره
اللقاء مع المهندس/ امين عبد المنعم نائب رئيس هيئة المجتمعات العمرانيه الجديده
و تم استعراض موقف ابنى بيتك مع الشركات المنفذه و خصوصا مع مهندسى شركة الكهرباء و هى ام المشاكل فى ابنى بيتك
فى المنطقه السادسه : الحى الثانى و الثالث خلص شبكة الكابلات
الحى الرابع و الخامس خلص حفر فقط
الان فى منطقه 6 توقف العمل لنفاذ المخزون بمخازن الشركه
و يشكو مهندسى شركة الكهرباء ان العائق هو تشوينات الاتربه بالشوارع
كما يشكو من التعقيدات و الروتين فى جهاز اكتوبر بانه يشترط اختبار حريق لمواسير  العدايات بحجة الكود و المعايير و اشتراطات فى سمك الماسوره و البار و هو قوة تحمل الماسورة للضغط
و ان الحصر من مهندسى الجهاز يتم ببطء شديد و بيطلعوا 30 عفريت
( حسب تعبير مهندسى الكهرباء)
 و يعانى مهندسى شركة الكهرباء من اختلاف المواصفات فى كل منطقه عن الاخرى لاختلاف الاستشارى
فمنطقه 1 و 2 و 3 لهم استشارى يختلف عن استشارى المنطقه 4 و 5  و كل واحد حط مواصفات مختلفه
و يشكو مهندسى جهاز اكتوبر ان مهندسى الكهرباء لا يردوا على التليفونات 
 و فى الموقع فى ابنى بيتك لا يوجد الا 3 مقاولين انفار للحفر و فرد الكابلات تابعين لشركة الكهرباء فى حين تدعى شركة الكهرباء ان لديها 10 مقاولين بالموقع
مشكلة الكهرباء فى منطقه 1 فى ابنى بيتك 6 اكتوبر ان شركة الكهرباء فردت الكابلات بدون حفر و على منسوب اعلى من منسوب الشارع و اعلى من المطابق و يعوق عمل شركة الطرق و يجب تخفيض منسوب الكهرباء لبعض القطاعات بمنطقه 1
و من عيوب اعمال شركة الكهرباء بمنطقه 1 وجود 2 عمود بتبعد 5 متر عن السور
 و فى منطقه 2 قطاع ج تم تقطيع و سرقة اطراف 500 كابل
مما يستلزم عمل لجان للحصر ثم تقرير لمجلس اداره شركة جنوب القاهره لتوزيع الكهرباء ثم اعتماد لاصلاحها
و فى منطقه 7 تم الحفر لغرف الكهرباء فوق مواسير المياه و الصرف الرئيسيه و رغم تنبيهات مهندسى جهاز اكتوبر الا انه تم صب العاديه للغرف فوق المواسير
 و  ليتم عمل قاعدة عامود يتم تكسير ماسورة المياه و الصرف على الرغم من اختلاف عمق المنسوب فلابد ان تنتهى شركة الكهرباء من انارة ابنى بيتك اولا  ليتم بعدها العمل فى بقية المرافق ثم الطرق و تراخى و بطء شركة الكهرباء فى ابنى بيتك يعوق شركات المياه و الصرف و الطرق فى تكملة مرافق ابنى بيتك
 
اللقاء فى حضور ادارة جمعية ابنى بيتك ابنى بيتك
طه جادو / نائب رئيس جمعية ابنى بيتك
 و علاء الدين اسماعيل / منسق ائتلاف ابنى بيتك كممثلين عن شباب ابنى بيتك   
و اسلام حمدى / رئيس اتحاد الشاغلين فى ابنى بيتك
أهكذا ارادها الجنزورى ؟؟؟؟!!!
وزارة الاستفزاز..... فى حكومة الانقاذ....!!
هذا ما انتهى الية الاجتماع الاخير لممثلى ائتلاف مشروع ابنى بيتك مع نائب وزير الاسكان والشركات المنفذة لمشروع ابنى بيتك وجهاز مدينة 6 اكتوبر .