قررمستفيدو ابنى بيتك استخدم التكنولوجيا لعمل مظاهرات رقمية ايمانا منهم با ن الوقفات الاحتجاجية والاعتصامات تقوم بتعطيل عجلة الانتاج

كتبت:سمر العربى
قررمستفيدو ابنى بيتك استخدم التكنولوجيا  لعمل مظاهرات رقمية ايمانا منهم با ن الوقفات الاحتجاجية والاعتصامات تقوم بتعطيل عجلة الانتاج وتضر بالصالح العام واصدورا بيان اكدوا فيه تكاتف جميع المستفيدين املا للحصول على حقوقهم و اتفقوا على قيامهم  الاسبوع الثانى من العام الجديد من يوم 7 الى 14 يناير  و اعضاء جروب جمعية ابنى بيتك على النت هيبعتوا رسايل لموقع رئيس الوزراء و وسائل الاعلام المقروءه و المسموعه و البرامج الحواريه في نفس الوقت وبكميات كبيرة لحد ما الموقع يحصله شلل من كتر الضغط عليه من كتر الرسايل وده هيلفت الانظار لينا ومش هيسبب مشاكل ولا ضرر بالبلد هنعمل الموضوع ده كل يوميا لمده اسبوع ومن كتر الرسايل الي هتوصلهم اكيد لازم يقرأوا و الهدف هو
اننا نطالب بحقنا بدون ما نوقع البلد في مشكله الاعتصامات و الوقفات الاحتجاجيه
 مستفيدي ابني بيتك شباب متحضر وواعي ولجأ الي التكنولوجيا لايصال صوته للمسئولين,
 قال طه جادو نائب رئيس جمعية اينى بيتك اتمني من المسئولين تقدير حب الشباب لوطنهم وعدم لجوئهم الي الاعتصمات بمد يد العون لهم,
 رسالة الي رئيس الوزراء الدكتور كمال الجنزوري و وزير الاسكان و وزير الداخليه لا تستمعوا الي المسئولين فقط واستمعوا الي اراء المستفيدين انفسهم و نتمنى زيارتكم الى مدينة ابنى بيتك 6 اكتوبر حتي تروا الحقيقه كاملة بعيدا عن التقارير المكتبيه و لسرعة تعميرها و الانتهاء من المرافق و الخدمات بها   
 هنعمل مظاهرة و احنا في البيت دي قضيتنا ولازم ندافع عنها ولو فضلنا ساكتين سنه او اتنين او تلاته مش هتنتهي المرافق ولا هيبقي فيه امن وكلنا عارفين ده بحساب وقت تقدم المشروع الابطأ من السلحفاة
اضاف اسلام حمدى رئيس اتحاد الشاغلين اننا بنتظاهر باسلوب حضاري للحصول علي حقوقنا وفي نفس الوقت مخربناش بلدنا ولا عملنا اعتصامات وعطلنا البلد
يدل علي ان سكان ابني بيتك ذات  تقنية عالية و فكر عالى
بعد انطلاق المظاهرة الرقمية سنرسل رساله لرئيس الوزراء بمطالبنا ونرسل نسخ منها لوسائل الاعلام
 لقد انتهى عام 2011  ولم يوفى مسئولوا وزارة الاسكان بوعودهم بايصال المرافق فى ابنى بيتك قبل نهاية هذا العام