ماكر ... مكير ... أمكر
:::
صمتي مزع باطي
و اتمكن الواطي
خسي و كُراتي
و خياري متسطر
:::
الفلفل الحامي
و الرومي و البنجر
و اللفت قدامي
و اتسهوك الأذعر
:::
طرطور ضمن ذمتين
و حمار نده نعجتين
و الارنبات كامشنين
و الكلب راح يسكر
:::
الغول طلع م التراب
و كان ف ضهر العذاب
شرير كوصف الكتاب
لون ضحكته اصفر
:::
مستور ورا الاسوار
مبهورة دي الأنوار
يا زحمة الأشرار
و العيرة ف المظهر
:::
جرس الصلاة نادى
و آذانا ... كالعادة
الفقر بزيادة
و العمر بيفزر
:::
مربوط سحل سايب
مهطول شتم غايب
و العيبة م العايب
عايقة بتتمسخر
:::
يا بت ليه روحتي
يا بت ليه بوحتي
مسيتي صبحتي
الناس بتتأثر
:::
طب شوشروا علينا
و اذونا ف عنينا
و اللي بقى لينا
صراصير بتتمنظر
:::
محموم هبل و عبيط
و انيسُه ف التظبيط
جابوا ابو النُطيط
يقفز كما الأشطر
:::
عشق العبيد عكننه
و مكرهم محزنة
و بعدهم ده هنا
ماكر ... مكير ... أمكر
:::
ماكر ... مكير ... أمكر ::: صمتي مزع باطي و اتمكن الواطي خسي و كُراتي و خياري متسطر ::: الفلفل
الأربعاء ١٣ فبراير ٢٠١٣ - ٠٠:٠٠ ص
2212
ربما يهمك أيضاً
الأكثر قراءة
جديد الأخبار
