الحق .. مش دايماً بيكسب لكنه مش خسران ! الحق.. يسمى بيه الجعان قبل أول لقمة فى النهار يصبح بق

الحق ..

مش دايماً بيكسب

 

لكنه مش خسران !

 

الحق..

 

يسمى بيه الجعان

 

قبل أول لقمة فى النهار

 

يصبح بق مايه صافى

 

يتسند بيه العطشان

 

الحق..

 

كلمة بتفتح قبور

 

يرتاح فيها الشبان

 

بعد ترحال الكفاح !

 

كلمة يتقال بعدها ال أه

 

أكتر ما هتاخد نفسك و ترتاح

 

بقى ورث موجود و له وجود

 

لكنه لأمثالنا غير متاح

 

و الحقيقة إنه فى إيد

 

أصحاب الملك بقى شىء مباح !

 

لو إتسمعت بتقول حقى

 

يتقبض عليك و يقولوا فاق

 

و يغموك ثم يجرعوك تنويمة

 

تنسيك تاريخ الصراخ و الهياج !

 

و أرجع أفكرك بياقة قميصك

 

اللى دابت من عرق الإحتياج !

 

أفكرك برجل بنطلونك

 

اللى إتوسخت

 

من دوسك فى تراب و طين

 

بدم خلق تعرفهم

 

أو ما تعرفهم، معجونين

 

هفكرك بكل تفه عال الأرض

 

بسبب دخان المصانع

 

اللى خلانا مخنوقين

 

و أنت بتسب ميت ملة و دين

 

ملعون أبوكى بلد

 

فيكى الهدد بقى أكتر من المدد

 

و قيمة الولد ليس إلا مجرد عدد

 

يتكتب ناقص أو زيادة

 

فى كشوف موتى الحق المُنسلب ..

 

ساعتها هشوف فى عينك

 

ضى فكرة بتِنخَلَقْ !

andrew_samir@live.com