الشهدا فوق … تِدمَع ::: و النعمة دي تسمع من مصري أصلاني هات الودان و أجمع كل الكلام تاني الشهدا
الشهدا فوق … تِدمَع
:::
و النعمة دي تسمع من مصري أصلاني
هات الودان و أجمع كل الكلام تاني
الشهدا فوق تِدمَع على مصر من خوفها
لولاها لم تطمع و لا كنت حتشوفها
لكن قدر تطلع ع الكرسي … تنصفها
:::
سمعتها مني … راح اعيدها… تنصفها
مش قرننة مني … و لا كلمة بحدفها
اللي صدر منك … أعذرني مش صالح
شوف كام بعد عنك … حاول كده و صالح
حكم القدر تطلع ع الكرسي … تنصفها
:::
اعلان ورا اعلان و قرار و بعده قرار
ترجع لنا ف اعلان و تلغي القرار ب قرار
ممكن بلاش تنسى … الشعب مش اخوان
المسلمين حاسه و القبط .. بالغليان
حكم القدر تطلع ع الكرسي … تنصفها
:::
الكرسي له وزنه … و انت جلست عليه
الكرسي من حسنه … بينَسى وعدك ليه
الحق فوق غصنه … و الحق برق و رعد
الشعب من حزنه … بيفكرك بالوعد
حكم القدر تطلع ع الكرسي … تنصفها
:::
قسمت ليه شعبك و عملت ليه فريقين
خطأك هناك جنبك من وسط مستشارين
الحق فوق غصنه … و الحق برق و رعد
الشعب من حُسنه … بيفكرك بالوعد
حكم القدر تطلع ع الكرسي … تنصفها
:::
